Desde o barrio

Un ano despois, aquí estamos.

Enviado o 11 Xullo 2011

Xa pasou pouco máis dun ano desde que no seo da Federación Veciñal se promovera un relevo democrático na súa dirección, da que teño a honra e a responsabilidade de facer parte.

Foi un ano intenso, cunha inxente carga de traballo, con infinidade de retos e situacións complexas ás que desde a Comisión Permanente fixemos fronte poñendo o mellor de nós mesmos. Certo é que esta primeira xeira na dirección da FAVEC estivo chea de dificultades, dado que a federación partía dunha situación económica, organizativa e de funcionamento inda peor da que denunciabamos ao promover o proceso de cambio que resultaría co cesamento da anterior directiva.

Seguir lendo →

Na categoría Movemento veciñal | Coas etiquetas asemblea, comisión permanente, favec, somos federación | 2 Comentarios

Cacheos antidemocráticos.

Enviado o 8 Xullo 2011

Hoxe o xornal LVG denunciaba que a Policía Local cacheou a varios compañeiros e compañeiras dos medios de comunicación no momento en que tentaban acceder ao Salón de Plenos.

Na miña opinión é impresentábel que desde o Goberno Municipal de Vigo se teime en dificultar arbitrariamente o acceso aos plenos, non só á veciñanza senón tamén á prensa.

En marzo desde a Federación Veciñal xa instamos ao Alcalde a rectificar estas medidas antidemocráticas que vulneran dereitos fundamentais, sen obter inda resposta. A Casa do Concello debe ser a casa de toda a veciñanza, mesmo daquela que discrepe do Goberno Municipal de turno. É unha cuestión esencial para poder falar de democracia municipal.

Na categoría Democracia, Dereitos e liberdades, Participación cidadá | Coas etiquetas acceso, cacheos, pleno | Leave a comment

Preocupación.

Enviado o 23 Xuño 2011

Hai uns días, ao fío dunha noticia publicada no suplemento Vigo 4 Costados de Faro, comentei publicamente nas redes sociais a miña preocupación, como Secretario da FAVEC, arredor da problemática que afecta á AV de Lavadores, afirmando que:

De confirmarse o que denuncian varios ex-presidente e ex-directivos desta importante asociación veciñal, esa actuación non só non pode contar co meu aval nin respaldo, senón que é frontalmente incompatíbel co que a maioría do movemento veciñal quere e impulsa desde hai un ano na Federación Veciñal de Vigo. A reivindicación de democracia, independencia, transparencia e respecto á pluralidade non poden ser meras consignas, son valores que todas e todos debemos prácticar en todos os ámbitos, na federación e nas asociacións.

Seguir lendo →